કોઈને I Love U કહેવું હોય તો? અને તે પણ માત્ર ૫ જ મિનિટની મુલાકાત પછી?? 🤔🤔
દુનિયામાં દરેક માણસ આ શબ્દો સાંભળવા કે મહેસૂસ કરવા માગતો હોય છે. કારણ કોઈનો પ્રેમ તેની સાથે છે એ અહેસાસ તેને જીવવા માટેની તાકાત આપે છે, એને એક blessings 😇😇 ની ફિલિંગ પણ આપે છે. અંદરથી તૂટેલી કે વિખરાયેલી વ્યક્તિને ફરી બેઠા થવાની તાકાત આપે છે. દુનિયામાં કોઈપણ વ્યક્તિ કોઈને પણ આ ત્રણ મેજિક વર્ડ્સ કહી શકે છે, સવાલ એ છે કે એ ક્યા ભાવ સાથે, કઈ લાગણી સાથે કહે છે.
💓💓💓
ગઈકાલે એક વ્યક્તિને મળ્યો. નાસ્તાના ટેબલ પર અમે બંને સાથે હતાં. એ વ્યક્તિ સ્થૂળ અર્થમાં જોઈએ તો સફળ હતી, એક નામ હતું અને કોઈને જેલસી થાય એવો રેકોર્ડ હતો. આમ છતાં આંખોમાં ઘેરી ઉદાસીનતા હતી. અમારે વાત થઈ અને તેની સફળતા બદલ મે અભિનંદન પણ આપ્યાં. પણ લાગ્યું કે પાર્ટી ક્યાંય અંદરથી તૂટેલી છે. ૫ મિનિટ માંડ વાત થઈ અને મારી ચા પૂરી થઈ એટલે હું જવા ઉઠ્યો તો મને કહે, "બેસોને.. એક વાત કરવી છે. મને લાગે છે કે હું તમને આ વાત કરી શકીશ. હું અંદરથી ખૂબ તૂટી ગયો છું."
પછી કહે, "હું સફળ છું. મારું નામ છે પણ બધા મને સાયકિક કહે છે. તમને પણ એવું લાગે છે..??" 😔😔 સફળતાની ટોચ પર પણ એ વ્યક્તિ એકલી હતી.
મેં તુરંત કહ્યું, "I love U.. .. ... .... ..." એ મારી સામે જોયા કર્યો. મે કહ્યું કે, "તું ખૂબ સારી વ્યક્તિ છે, અને જે લોકો તને આવું કહે છે, તે તને સમજી નથી શકતા. તારા જેવી ટેલેન્ટેડ વ્યક્તિ આપણા દેશ માટે ઘણું કરી શકે છે."
એ પછી થોડી વાતો થઈ અને મે ૩થી ૪ વાર તેને I love U પૂરા દિલથી કહી ખભો થાબડ્યો. 🫂🫂
તેણે મને તેનો મૂળ પ્રશ્ન કહ્યો એ પહેલાં જ મેં કહ્યું કે, તારો મૂળ (મનોવૈજ્ઞાનિક) પ્રશ્ન આ છે. અને તેનું પદ્ધતિસર નિરાકરણ કેમ લાવી શકાય એ પણ કહ્યું. ક્યાંથી આવી શકે નિરાકરણ એ પણ જણાવ્યું.
એ વ્યક્તિમાં કંઇક વિશ્વાસનો સંચાર અને અંદરથી બેઠી થતી હોય એવું લાગ્યું. એને એના ઉકેલનો માર્ગ બતાવી મે રજા લીધી ત્યારે એની આંખોમાં ચમક હતી..
વાસ્તવિકતા એ છે કે, વ્યક્તિ એક ફિલ્ડમાં સફળ થાય છે પણ બધામાં સફળ નથી જઈ શકતી. બધા લોકો માટે બધા ફિલ્ડ નથી હોતાં. એમાંય વાત જ્યારે લાગણીઓને અપેક્ષા, વર્ક લાઇફ, મહત્વાકાંક્ષા, પરિવાર, વચ્ચે બેલેન્સ કરવાની હોય ત્યારે ઘણું અઘરું પડે. આ આપેક્ષાઓ અને સફળતાનો બોજો માણસને અંદરથી તોડી નાખી છે, એકલી પાડી દે છે. આ સમયે આવા હૂંફભર્યા શબ્દો તેને ફરી આનંદથી જીવવા માટેની તાકાત આપે છે.☺️☺️
એ સફળ વ્યક્તિને મે એક સવાલ પૂછ્યો હતો કે, "તું સફળ છે પણ હેપ્પી છે??" 🤔
જો તમારી સફળતા તમને આનંદ નથી આપતી તો એ બોજ બની જાય છે.. 🥺🥺
માટે સફળતાની સાથે આનંદ મળવો અને માણવો પણ એટલો જ જરૂરી છે...અરે ક્યારેક તો આનંદ, સુખ મેળવવું એ જ સફળતા, એ જ ધ્યેય હોય છે..🕺🚴🤸🏃⛹️🏄🏊🤽🪂🚣
ઓશો રજનીશની એક બુકમાં વાચ્યું હતું કે, પ્રેમ વ્યક્તિથી શરૂ થાય છે અને જ્યારે સમષ્ટિ પ્રત્યે પરિવર્તિત થઈ જાય ત્યારે અધ્યાત્મ બની જાય છે.. 🧘🧘🌈🌈
અને અંતે...
પ્યાર બાંટતે ચલો..
