જહાજો એ ડૂબાડી દીધાંના દાખલા છે,
ને તણખલાઓએ તારી દીધાંના દાખલા છે.
હસ્તી ક્યાં હતી એક રાજા આગળ એની છતાંય,
જાળ કાતરી ઉંદરે સિંહ છોડાવ્યાના દાખલા છે.
.
છો તાકતવર તમે પણ અન્યને કમજોર ના સમજો,
અહીં દોડમાં કાચબાએ સસલાને હરાવ્યાના દાખલા છે.
સાહ્યબી પડખાં ઘસે છે રાતભર રેશમી તળાઈઓમાં,
ને કાળી મજૂરી રસ્તાની કોરે ચેનથી સૂતાંના દાખલા છે.
.
દવાઓ બધી નાકામ થઈ ગઈ મરણપથારી પર,
ત્યારે કોઈની દુઆઓએ અસર દેખાડ્યાનાં દાખલા છે.
અમર ક્યાં રહે છે આ જગતમાં કોઈ કાયમ,
જેના જનમના દાખલા છે, તેના મરણનાંય દાખલા છે.
(એક મિત્ર તરફથી આવેલી અને ગમી ગયેલી આ રચના અહીં વહેંચી છે)
No comments:
Post a Comment